Prestigjiozja botërore “Reuters” komenton deklaratat e Edi Ramës gjatë takimit me Angel Merkelin, duke theksuar se Rama edhe pse nuk përdor emër, i referohet Rusisë, si një nga vendet që kërkon të pengojë politikat pro-BE të vendeve të Ballkanit.
Rama nuk e përmendi Rusinë me emër por diplomatët e rajonit janë ankuar se Rusia po përpiqet të rrisë ndikimin e saj në vendet si Mali i Zi, Serbia, Maqedonia dhe së fundmi edhe tek Shqipëria, shkruan Reuters.
“Në rajonin tonë, vendet që kërkojnë të prishin marrëdhënien tonë me Bashkimin Europian janë bërë aktive, “ tha Rama në një konferencë në Berlin përpara takimin me kancelaren gjermane Angela Merkel.
Rama theksoi se vendi i tij do të vazhdojë të lëvizë drejt anëtarësimit në BE. Duke folur edhe para takimit të tyre, Merkel vlerësoi reformat e brendshme politike në Shqipëri por tha se hapa të mëtejshme ishin të nevojshme për t’u ndërmarrë si në reformën gjyqësore ashtu dhe në luftën kundër korrupsionit.
Agjencia e lajmeve Reuters, në një artikull kushtuar pikërisht vizitës së kryeministrit shqiptar në Berlin nënvizon se Rama ndonëse nuk përmendi emra të përveçëm, me deklaratën e tij nënkuptonte se Moska po tenton që të fuqizojë ndikimin e saj në disa shtete si Mali i Zi, Serbia, Maqedonia e madje tani edhe në Shqipëri.
Fjala e Ramës, e cila sipas mediave ishte një paralajmërim, vjen në një kohë kur Agjencitë Inteligjente gjermane kanë paralajmëruar gjithashtu mbi rrezikun e një ndërhyrjeje të Rusisë në procesin zgjedhor parlamentar që Gjermania do të mbajë gjatë vitit të ardhshëm.
Në artikullin e Reuters thuhet se Kryeministri Rama e bëri të qartë vendosmërinë e Shqipërisë për të vijuar rrugëtimin drejt anëtarësimit në BE.
Duke cituar kancelaren Merkel, mediat shkruajnë se shefja e ekzekutivit gjerman kishte vlerësuar reformat e brendshme politike që janë ndërmarrë në Shqipëri, por shtoi se duhet të ketë hapa të mëtejshëm në fusha të ndryshme siç janë reforma në drejtësi apo lufta kundër korrupsionit.
