Kuvendi i Shqipërisë ka sot në rendin e ditës, shqyrtimin në parim të Buxhetit të vitit 2017, projektligjin që pritet të ndezë debate të ashpra.
Kryetari i opozitës Lulzim Basha e paralajmëroi që dje betejën e sot në Kuvend të opozitës kundër këtij draft – Buxheti, që e cilësi si më antisociali, pasi në thelb të tij qëndronte rritja e taksave për shqiptarët.
Po ashtu, në rendin e ditës janë edhe disa projektligje të rëndësishme, si për ndryshimin e akcizave, taksave kombëtare, tarifave doganore, tatimit mbi të ardhurat etj.
RENDI I DITES
Projektligji “Për disa ndryshime dhe shtesa në ligjin nr.61/2012, “Për akcizat në Republikën e Shqipërisë”, të ndryshuar - shqyrtimi në parim - (nenet 73-77 dhe 82 Rregullore, votim me shumicë të thjeshtë)
Projektligji “ Për disa ndryshime dhe shtesa në ligjin nr. 9975, datë 28.7.2008, “Për taksat kombëtare”, të ndryshuar - shqyrtimi në parim
Projektligji “ Për disa ndryshime në ligjin nr.9981, datë 8.9.2008, “Për miratimin e niveleve të tarifës doganore”, të ndryshuar - shqyrtimi në parim
Projektligji “Për një shtesë në ligjin nr.8438, datë 28.12.1998, “Për tatimin mbi të ardhurat”, të ndryshuar - shqyrtimi në parim
Projektligji “Për buxhetin e vitit 2017” - shqyrtimi në parim
Për votim: Projektligji “Kodi Hekurudhor i Republikës së Shqipërisë”.