Ministrja e Mbrojtjes Mimi Kodheli ka treguar detaje nga jeta e saj private.
Ajo është shprehur rreth martesës së saj 27-vjeçare dhe gjithashtu për marrëdhënien me djalin e saj në një intervistë për emisionin “Vila 24”.
“Rreth 27 vjet martesë me Lekën dhe çelësi është respekti i ndërsjelltë”, - është shprehur ministrja.
Megjithatë ajo ka vënë më tepër theksin në marrëdhënien e saj me djalin më të rëndësishmit në jetën e saj.
“Si çdo nënë me djalin e vet. Nuk e ndryshon detyra ime si ministre. Gratë kanë prirjen për të qenë mbrojtëse të familjes dhe të fëmijëve. Unë e mbroj tim bir në mënyrë të ekzagjeruar. Por, nënës i falen këto gjëra,”- ka përfunduar Kodheli.
Ndër të tjera ajo theksoi se pengu i saj më i madh gjatë martesës është se do të donte të kishte patur më tepër fëmijë.