Gjatë një aktiviteti për dënimet alternative, ministri i Drejtësisë Ylli Manjani, deklaroi se hetimi mbi gjyqtarin i cili dha urdhër mbrojtje për Liljana Rukon, gruan e vrarë në Fier, ka përfunduar.
Ministri i Drejtësisë tha se hetimi ka përfunduar mbrëmë dhe se është konstatuar shkelje e gjyqtarit Ergys Selmani.
“Ka përfunduar inspektimi për rastin e Fierit. Do të kërkoj të nisë procedimi për gjyqtarin. Gjyqtarët të mos nënvlerësojnë kërkesat për urdhër mbrojtje,” tha ai. Manjani u bëri gjithashtu një apel qytetarëve që të telefonojnë policinë në çdo rast kur ka dhunë në familje.
