(E plotësuar) - Situata në Pukë vijon të mbetet e rëndë për shkak të kushteve të këqija klimaterike.
Reshjet e dendura të dëborës kanë bllokuar të gjitha fshatrat në këtë qytet. Në fshatin Buhot është shpallur emergjencë shëndetësore.
Ambulanca është bllokuar dhe nuk mund të transportojë të sëmurët në këtë fshat.
Në kushte të tilla, ka ndërhyrë zjarrfikësja për të bërë të mundur transportimin e tyre. Autoritetet po shqyrtojnë mundësinë e transportit nga ajri me helikopterë.
Çfarë po ndodh në Pukë/ Emergjencë shëndetësore, në vend të ambulancës niset zjarrfikësja, në gatishmëri dhe helikopteri
Disa të sëmurë janë të bllokuar në fshatin Buhot, ndërsa ambulance nuk mund të hyjë, pasi rruga e fshatit është e bllokuar si pasojë e dëborës.
Në vendngjarje pritet të mbërrijë shërbimi zjarrfikës për të transportuar të sëmurët.
