Duket se xhupat me logon e ekipeve sportive, janë jo vetëm të duhurit për të përballuar këtë të ftohtë siberian, por edhe më të preferuarit në radhët e deputetëve dhe zyrtarëve të Partisë Socialiste.
Idenë në fillim për këtë gjest, duket se e dha Kryeministri Edi Rama që jo pak herë ka zgjedhur kostume me logot e ekipeve sportive, në takimet e tij me banorët, apo edhe në kohën e tij të lirë.
Kështu së fundmi, Rama u pa veshur si me xhupin me logon e Juventusit, ashtu edhe me atë të Bajernit të Mynihut.
Duket se këtë shembull ka nisë të marrë edhe nënkryetari i grupit parlamentar të PS-së, Taulant Balla, që është parë i veshur në një aktivitet me një xhup, ku në të ishte logoja e ekipit gjerman të Mynihut.
Siç duket, edhe në këto ditë të ftohtë, pasioni për ekipin e tij të zemrës është ende mjaft i lartë.
