Presidenca ka refuzuar kërkesën e Kryeministrisë, që në mbledhjen e Këshillit të Sigurisë Kombëtare, të ishte i pranishëm Zv/kryeministri Niko Peleshi. Kjo kërkesë zyrtare nisur Presidencës erdhi pasi aktualisht, Kryeministri Edi Rama ndodhet në një vizitë zyrtare në Kosovë.
Por Presidenca nuk ka pranuar që në këtë mbledhje, e planifikuar për ditën e premte në orën 12:00 të jetë i pranishëm Peleshi. Në përgjigjen e saj, institucioni i Presidentit shprehet se nuk ka asnjë arsye objektive përse duhet të zëndësohet prezenca e Kryeministrit.
Presidenti vlerëson se prania e Kryeministrit Rama çmohet si e nevojshme.
Në këtë mbledhje të Këshillit të Sigurisë Kombëtare do të diskutohet çështja e mosarrestimit të Klement Balilit. Ajo vjen pas kërkesës së kreut të Kuvendit, Ilir Meta, drejtuar Presidentit Bujar Nishani.