Ahmet Prençi, ish-drejtor i përgjithshëm i Policisë së Shtetit, i është bashkuar publikisht thirrjeve të opozitës për të marrë pjesë në mitingun e datës 18 shkurt në Tiranë.
Drejtues i lartë i policisë në kohën e qeverisë “Berisha”, Prençi u emërua edhe në qeverinë "Rama" si zyrtar i rëndësishëm në Drejtorinë e Përgjithshme të Tatimeve, në postin e drejtorit të Hetimit Tatimor. Ai dha dorëheqjen nga kjo detyrë.
Në profilin e tij në “Facebook”, Prençi ka publikuar edhe thirrjen e opozitës së drejtuar nga Partia Demokratike “Ngrihemi bashkë” për protestën e 18 shkurtit.