"Nuk jam në gjendje të flas”. Kjo ka qenë fjalia përcjellëse e Armando Dushit, bashkëshortit të Ermira Dushit (Arapi) ndaj Policisë së Fierit, që mbërriti dje në banesën e tij për t’i marrë dëshminë.
Burimet nga grupi hetimor bënë të ditur se për shkak të çështjes delikate, Armando Dushi nuk është thirrur në ambientet e policisë.
Pak ditë pas tragjedisë ku bashkëshortja e tij u gjet e vrarë bashkë me 32-vjeçarin Drini Dervini është konsideruar si e domosdoshme dëshmia e tij, e cila mund të hidhte dritë mbi motivin e kësaj tragjedie.
Të njëjta burime thanë se ai është mjaft i ngarkuar psikologjikisht, pasi veç humbjes së të shoqes, ai po përjeton zhgënjimin e tradhtisë. E për këtë shkak e bojkotoi edhe varrimin e Ermirës dhe nuk pranoi të tërhiqte trupin e saj. Rrethanat e krimit ai i ka mësuar pas mbërritjes nga Greqia.