Në përfundim të takimit të sotëm me ambasadorin e SHBA-ve në Tiranë, kreu i Kuvendit Ilir Meta duke folur për mediat tha se në qendër të diskutimit ishte vazhdimësia e reformës në drejtësi dhe përmbyllja e reformës zgjedhore.
Meta e cilësoi mjaft konstruktiv takimin me ambasadorin, duke theksuar se janë të gatshëm për të bashkëpunuar me të gjithë aktorët vendas dhe të huaja për përmbushjen e reformës në Drejtësi.
“Folëm për reformën zgjedhore dhe për përmbylljen e saj në përputhje me rekomandimet e OSBE – ODIHR.
Në vijim patëm diskutim edhe për procesin e dekirminalizimit dhe reformës në Drejtësi.
Konfirmoj vullnetin me të gjitha institucionet në përmbushje të reformës në Drejtësi”, tha Meta.
