Deputeti Flamur Noka deklaron se ishte ngritur për të ndaluar ofendimet që bënin “konet e krimit” duke iu referuar ndërhyrjeve që deputeti Erjon Braçe bënte gjatë kohës që Berisha fliste nga foltorja.
Noka: Ky është standardi i demokracisë së kësaj qeverie kriminale, ky është standardi që zbaton kjo bandë në vendin e quajtur Bandidistan. Unë reagova për të ndaluar fyerjet dhe fjalorin e rrugës që përdorin konet e krimit në Parlament. Unë nuk shava dhe nuk fyeva asnjë njeri, dhe që nuk godita asnjë njeri, u përjashtova. Ndërsa konet dhe baronët e krimit e kanë vendin aty.
Ky parlament dhe kjo qeveri nuk e meriton më të qëndrojë. Këtu vetëm parlamentarizëm nuk ka. Me një shumicë kartonësh, horrat e krimit i kërkojnë opozitës t’i mbyllin gojën. Goja opozitës nuk do t’i mbyllet dhe më datë 18 do të jetë në shesh dhe do t’ua mbyll gojën këtyre horrave.
