Mazhoranca vazhdon përpjekjet për të bllokuar komisionin e opozitës që heton aferën 600 milionë Euro të CEZ me qeverinë Rama.
Gjatë mbledhjeve të mëparshme, përmes manovrave të ndryshme, Avokatja e Shtetit Alma Hiçka ka shmangur dëshminë e saj në këtë komision.
Ndërkohë që në mbledhjen e sotme u detyrua të paraqitej në të kundërt do të shoqërohe me forcë, deputetët e mazhorancës gjetën një tjetër manovër për të shmangur dëshminë e avokates.
Asnjë prej tyre nuk u paraqit në mbledhjen e sotme të komisionit, përveç deputetëve të opozitës, duke bërë që seanca të shtyhej për javën e ardhshme.