Dhjetra nxënës të gjimnazit “Partizani” në kryeqytet dolën sot në mbështetje të të rinjve që po protestojnë në çadrën para Kryeministrisë.
Protesta është zhvilluar në orën e parë të mësimit. Gjimnazistët kanë protestuar jashtë ambjenteve të shkollës, duke tentuar të bojkotojnë mësimin.
“Nuk shitet arsimi”, “Bojkot ose arsimim”, “ Nuk e lë të ardhmen në duart e Ramës”, ishin disa nga pankartat që mbanin në duar nxënësit.
Por me ndërhyrjen e stafit drejtues dhe mësuesve të gjimnazit, nxënësit i janë kthyer proçesit normal të mësimit.
