Fabiola Hoxha ka qenë një nga gazetaret më të komentara të momentit. Prezantuesja e lajmeve në “ABC Neës” dhe njëkohësisht gazetarja e kronikës së zezë u vu në qendër të vëmendjes mediatike për shkak se “sulmoi” në publik ministrin Saimir Tahiri, të cilin e vendosi me “shpatulla pas murit” teksa e pyeste për krimet ende të pazgjidhura dhe për drogën në vend.
Megjithatë, duket se Tahiri nuk i mbajti aspak inat gazetares dhe ka vendosur ta surprizojë në ditëlindjen e saj. Ministri Tahiri ka mbërritur në darkën e organizuar nga gazetarët e kronikës për të festuar ditëlindjet e tre prej tyre, të Etleva Delia, Fabiola Hoxha dhe Kreshnik Mersinllarit. Sigurisht që ministri është ulur me ta, madje pranë Fabiolës, të cilën e ka “thumbuar” edhe në statusin e tij në rrjetet sociale. Teksa postonte foton, përkrah saj Tahiri shkruan, “Këta na bien, ne prap i duam”.