Dy në 10 efektivë të policisë private në vend rezultojnë me precedent penal dhe të përfshirë në Krime të Rënda, ku rasti më i fundit ishte ai i dy grabitjeve së 7 milion eurove në aksin Qafë Kashar –Rinas.
Këto të dhëna sipas burimeve për te mediave në Departamentit e Sigurisë Publike janë konsideruar shqetësuese dhe së shpejti këta efektiv do t’i nënshtrohen testit të rreptë duke nisur me gjurmët e gishtërinjve e deri tek e shkuara e tyre apo karriera që kanë pasur kur kanë punuar në policinë shtetërore.
Përfshirja e efektivëve të policisë private në ngjarje kriminale deri në grupe të strukturuara si në rastin e Fation Xhyliut dhe Detion Memlikës dhe Admir Çerpjas në grabitjen e blindave me para do të ndryshojë rregullat e punësimit të çdo individi në këto kompani.
Burime nga Policia e Shtetit sqaruan për Shqiptarja.com se aktualisht është duke u hartuar një projekt që shtetasit që punësohen pranë këtyre kompanive ku para dhënies së lejes nga autoritetet shtetërore dhe liçensimit, stafi do t’i nënshtrohen rregullave të rrepta.
Rregulla që do të përfshijnë për herë të parë shenjat e gishtërinjve e deri tek testi psikologjik i tyre.
Aktualisht këta punonjës testohen vetëm me dëshmi penaliteti dhe certifikatën e qitjeve në poligon për përdorimin e armëve.
Por vetëm ky kontroll sipas analizave të departamentit të sigurisë publike jo vetëm është e pamjaftueshme por kjo ka rezultuar procedurë e cila ka krijuar hapësirë që në këtë sektorë të rekrutohen persona me precedent penal.
Brenda muajit Prill sipas burimeve për Shqiptarja.com, testimit do të përfshijë, aftësitë fizike, aftësitë profesionale në përdorimin e armatimit, aftësitë komunikuese, gjurmët e gishtërinjve si dhe të dhëna për të shkuarën e këtyre efektivëve pasi një pjesë e madhe rezulton të jenë përjashtuar nga policia e shtetit për shkelje por punësohen në privat.
Nga statistikat e procedimeve penale si dhe policëve privat që punojnë në kompanitë e ruajties fizike dhe shoqërimit të vlerave monentare 2 ndër 10 polic privat rezultojnë të proceduar penalisht të dënuar për shpërdorim detyre dhe kanosje të qytetarëve.
Në rastin më të bujshëm të grabitjeve të 7 milion euro në aksin Qafë Kashar – Rinas rezultoi se përfshirja e policëve privat në aktivitetin kriminal jo vetëm solli pasoja ekonomike por rrezikoi jo pak qytetarët të cilët u bënë dëshmitar të rrezikuar të skenave të krimit ku armët qëlluan plot 40 herë.
