Është shtyrë për në datën 20 mars vendimi për aktivistët e Organizatës Politike që qëlluan me vezë kryeministrin Edi Rama.
Aktivistët nuk i pranuan akuzat duke kërkuar pafajësi. Avokati i tyre mbrojtës ka thënë se goditja me vezë nuk mund të konsiderohet goditje për shkak të detyrës.
Më parë, prokurori Julian Zonja ka kërkuar shpalljen fajtor të studentëve për akuzat e “goditjes për shkak të detyrës” dhe “kundërshtim i punonjësve të policisë”.
Ai kërkoi që studentët të shpallen fajtorë dhe masa e dënimit të jetë 2 muaj burg për secilin, masë e cila mund të konvertohet në 60 orë punë të detyruar në komunitet.