Në mbledhjen e sotme të Këshillit të Ministrave, është vendosur të miratohet rritja e pagave për mjekët.
Në bazë të këtij vendimi, qeveria ka vendosur të rrisë rrogat për mjekët roje. Sipas vendimit, ata do të përfitojnë pagë shtesë sipas turneve.
Sipas vendimit rritje page do të ketë edhe për mjekët e spitaleve të shërbimit të urgjencës, shërbimin e reanimacionit, shërbimin e hemodinamikës, në njësinë e aksidenteve cerebrale si dhe mjekët neonatë, që përfitojnë një shtesë për natyrë të veçantë pune në masën 18 000 (tetëmbëdhjetë mijë) lekë (të reja) në muaj.
