Duke ripostuar reagimin e ish ministrit të Brendshëm Saimir Tahri në lidhje me të dhënat e DASH por edhe një replikë me nënkryetarin e LSI-së, deputeti i PS-së Piro Lutaj vë theksin pikërisht te fushata elektorale, që sipas tij do të jetë e ashpër qoftë për partitë e mëdha por edhe ato të vogla.
Në postimin e tij, Lutaj shkruan se duhet një përkushtim i madh për 18 qershorin nga PS pasi kjo do të jetë prova më e madhe për të treguar se kush janë partitë e mëdha dhe kush ato të vogla.
"Të dashur miq e kolegë ! Na duhet shumë punë e perkushtim për 18 Qershorin, të tjerat venë dhe vijne ! Fushata do të jetë shumë e ashpër! Kjo do të jetë prova me e mirë, për të vegjëlit "e medhenj", por edhe per te medhenjtë "e vegjel" !! Kështu e kuptoj unë kétë postim te Saimirit !", shkruan Lutaj.