Eksportet e Shqipërisë drejt Italisë rriten me 9.1 % - Bota Sot
Eksportet e Shqipërisë drejt Italisë rriten me 9.1 %

Shqipëria

E mërkurë, 29 mars 2017

Eksportet e Shqipërisë drejt Italisë rriten me 9.1 %

Më: 19 mars 2017 Në ora: 10:55
ilustrim

Në dy muajt e parë të vitit 2017 eksportet e Shqipërisë drejt Italisë u rritën me 9.1 %. Nga të dhënat e Institutit të Statistikave, INSTAT-it rezulton se Italia vazhdon të mbetet partneri kryesor tregtar i vendit.

Referuar statistikave, eksportet e Shqipërisë drejt Italisë në periudhën janar-shkurt llogariten 23.019 milionë lekë. Në të njëjtën periudhë të një viti më parë eksportet nga Italia llogariten 21.099 milionë lekë.

Sipas INSTAT-it, me Italinë, shkëmbimet tregtare zënë 39 për qind të totalit. Si dymujor importet nga Italia llogariten 23.083 milionë lekë.

Në vlerën e lartë të mallrave të importuara nga shteti fqinj, vendin kryesor e zënë grupi i mallrave “tekstile dhe këpucë”. Importi i kësaj kategorie arriti për periudhën dymujore, janar-shkurt vlerën e 6.075 milionë lekëve.

Ndërsa grupi i dytë me peshë në totalin e importeve për periudhën dymujore ishte grupi “makineri, pajisje dhe pjesë këmbimi” për industritë e reja dhe për rinovimin e atyre ekzistuese nga sipërmarrësit privatë shqiptarë, por dhe italianë që ushtrojnë aktivitet në Shqipëri. Importi i kësaj kategorie arriti për këtë periudhë vlerën e 4.088 milionë lekëve. Ndërsa importet nga grupi ‘minerale dhe lëndë djegëse dhe energji elektrike” arritën në vlerën 2.311 milionë lekë.

Në vlerën e mallrave të eksportuar drejt shtetit fqinj, vendin kryesor e zë grupi “tekstile dhe këpucë”. Eksporti i kësaj kategorie arriti për periudhën janar-shkurt vlerën e 14.458 milionë lekëve. Ndërsa eksportet e grupit “materiale ndërtimi dhe metale” në dymujorin e parë të këtij viti shënuan vlerën e 2.224 milionë lekëve.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Nëse zgjedhjet do të mbaheshin këtë të diele, cilin subjekt politik do ta votonit?
    test