Kuvendi i Shqipërisë përgatitet për nisjen e procedurave për zgjedhjen e Presidentit të ri të Republikës, ndërsa mandati i Presidentit aktual, Bujar Nishani, përfundon më 24 korrik 2017.
Përmes një letre drejtuar kryeparlamentarit Ilir Meta, e publikuar nga Report TV, Drejtoria e Shërbimit Juridik pranë Kuvendit kërkon nisjen e procedurave për zgjedhjen e Kreut të ri të Shtetit.
Letra, e nënshkruar nga drejtori i Shërbimit Juridik, Alban Brati, sqaron se mandati i presidentit në detyrë, Bujar Nishani, përfundon më 24 korrik, ndërsa data 9 korrik është afati i fundit i Kuvendit për zgjedhjen e Presidentit të ri.
Për këtë procedure janë vënë në dijeni dhe grupet parlamentare të Kuvendit.
Sipas ligjit, procedura për zgjedhjen e presidentit të ri duhet të nisë më 18 prill 2017.