Një në pesë nxënës janë shprehur se ngacmohen, fyhen apo denigrohen nga bashkëmoshatarët e tyre.
Studimi i parë i realizuar në Shqipëri e vlerëson bulizimin si fenomenin më shqetësues në ambjentet e shkollave.
Psikologu nga Shqipëria, Edmond Dragoti, thotë se format më të përhapura janë ato psikologjike dhe verbale.
Si agresorë ose si viktimë, 1 në 5 nxënës janë të përfshirë në fenomenin e bulizmit.
Ky është studimi i parë kombëtar në vend, që evidenton shkallën e lartë që ka fenomeni i ngacmimeve, fyerjeve apo e denigrimeve në ambjentet e shkollës, kryesisht mes adoleshentëve.
Autorit i studimit, psikologu dhe pedagogu në shkencat sociale Edmond Dragoti shpreh shqetësimin se bullizmi është në nivele të larta.
“Është një fenomen i qëndrueshëm, dmth nxënësi bullohet vazhdimisht dhe si i tillë psikika e tij formohet si viktimë apo agresor në shoqërinë tonë”.
Bulzimi psikologjik dhe ai verbal janë format më të përhapura.
Autorët e studimit e shohin fenomenin më të shtrirë në institucionet arsimore jo publike.
Kur je viktimë e bullizimit pasojat janë të rënda, thonë psikologët.
Këshilli i Europës do të financojë një projekt 600 mijë euro për trajtnimin e adoleshentëve, stafit të mësuesve dhe punonjësit social me qëllim rritjen e ndërgjegjësimit për të frenuar bulizimin, fenomene që në mjaft vende çon adoleshentët drejt izolimit dhe vetëvrasjes.