Anija shqiptare “Oriku” shpëton një gomone me 51 migrantë në bord - Bota Sot
Anija shqiptare “Oriku” shpëton një gomone me 51 migrantë në bord

Shqipëria

E enjte, 27 prill 2017

Anija shqiptare “Oriku” shpëton një gomone me 51 migrantë në bord

Më: 21 prill 2017 Në ora: 12:13
Anija “Oriku” e Forcave Detare shqiptare

Anija “Oriku” e Forcave Detare shqiptare, të premten, gjatë patrullimit në Detin Egje, identifikoi një gomone me emigrantë në bord, e cila ishte nisur nga brigjet e Turqisë drejt brigjeve greke.

Sipas burimeve zyrtare nga Ministria e Mbrojtjes, menjëherë anija “Oriku” njoftoi anijen flamurtare “RB” turke, greke dhe “Frontex”. Njëkohësisht, pas njoftimit, anija “Oriku” shkoi në rajonin ku ndodhej gomonia dhe ofroi ndihmë deri në mbërritjen e anijes “MAI 1102 FRONTEX” dhe “RB” turke.

Në orën 08:37, gomonia u mor në dorëzim nga anija e Frontex “MAI 1102”, e cila kreu operacionin e imbarkimit të personave në të. Pas dorëzimit, nga të dhënat e marra nga anija e “FRONTEX”, në përfundim të operacionit, u verifikua se në bordin e gomones ishin 51 persona, nga të cilët, 17 gra, 12 fëmijë dhe 22 burra.

Të gjithë pjesëtarët e gomones ishin me kombësi siriane. Gjatë misionit të saj në Egje, anija “Oriku” ka realizuar disa operacione shpëtimi të suksesshme.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh A besoni se Qeveria do ta perfundoj mandatin e saj?

    Qeveria ta përfundoj mandatin

    Qeveria do të bije, pasi do të prishet koalicioni

    Opozita do ta rrezoj qeverinë

    Shiko rezultatet
    test