Një 39-vjeçar është arrestuar nga Policia e Tiranës ditën e djeshme, pasi ishte shpallur në kërkim për kanosje me armë.
A.A kishte vendosur që të rilidhej me ish-të dashurën e tij pas 20 vjetësh. Mirëpo kjo lidhje nuk i shkoi si e parashikonte. Pasi kreu marrëdhënie me të dashurën e tij, B.L. Papa zbulon se kishte marrë hepatitin B.
Kjo gjë nuk i ka pëlqyer Papës dhe ka nisur të kërcënojë të dashurën me armë dhe ta përndjekë.
Çifti nuk kishin pasur komunikim me njëri-tjetrin për shkak të largimit të tyre në mënyrë respektive jashtë vendit. Rreth tre muaj më parë pasi 39-vjeçari është kthyer në Shqipëri ata janë takuar përsëri. Prej një muaji ata janë ndarë përsëri pasi kanë pasur mosmarrëveshje me njëri-tjetrin. Gjatë kësaj kohe gjithashtu i pandehuri ka rënë në dijeni të faktit se ishte infektuar me hepatitin “B”, shkruan Panorama.
Ky fakt ka bere që djali të reagonte negativisht ndaj të dashurës duke i krijuar shqetësim kësaj të fundit duke e fyer dhe ofenduar në mënyrë të vazhdueshme.
Në lidhje me këtë fakt me cilësinë e provës materiale janë sekuestruar edhe disa letra të shkruara nga djali në drejtim të vajzës nga ku pasqyrohet fakti se e fajësonte për sëmundjen e tij.
Nëpërmjet një arme zjarri me mbishkrimin GAP 8 mm që ai e kishte në dorë ka kanosur seriozisht për jetën atë dhe familjarët e saj. Kjo armë është sekuestruar me cilësinë e provës materiale nga policia gjyqësore.
