I dërguari i Kancelares gjermane Merkel David Mcallister dhe raporteri për Shqipërinë në Parlamentin Evropian Fleckenstein nuk arritën të afrojnë drejt kompromisit liderët politikë shqiptarë, Edi Rama, Ilir Meta, e Lulzim Basha.
Pasdite vonë të gjithë iu drejtuan Pallatit të Kongreseve me shpresën e një zgjidhjeje, veç negociatorëve e liderëve politikë, mbërritën edhe ambasadorët e BE, SHBA dhe OSBE.
Ne dhoma të veçanta me negociatorët, palët qëndruan për rreth 50 minuta përpara se të largohej i pari kreu i PD-se Lulzim Basha,ndërkohë që miqtë ndërkombëtarë ishin ende ne ambjentet e Pallatit të Kongreseve.
Pak minuta më vonë dolën edhe dy bashkëkryetarët e koalicionit të majtë, por pas bërë asnjë koment. Ne heshtje u larguan nga Pallati i Kongreseve edhe dy eurodeputetët gjermane
Ora News mësoi nga burime të besueshme se negociatat dështuan edhe pse maxhoranca bëri disa lëshime, por opozita nuk u tërhoq nga kërkesa për qeveri teknike, që gjë nuk u pranua nga e majta.
Është propozuar shtyrja e zgjedhjeve për një muaj dhe disa ndërhyrje në qeveri për të vendosur ministra teknike. Ilir Meta e ka pranuar plotësisht.
Konkretisht u propozua largimi i 3 ministrave që lidhen me zgjedhjet 3 muaj përpara zgjedhjeve dhe që ky model të kthehej në një praktikë të përhershme, por as kjo nuk është pranuar.
Ndërsa Edi Rama as e ka pranuar as e ka refuzuar, por ka nënvizuar se është gati ta diskutojë një shtyrje të arsyeshme brenda kufirit të lejuar nga Kodi Zgjedhor, me kushtin që gjithçka të fillojë nga votimi i Vetingut!
Eshtë ofruar gjithashtu që zv drejtorët e qarqeve të monitorojnë ditën e zgjedhjeve dhe të jenë të asistuar nga partnerët si nga Pameca dhe të tjerë.
Opozites iu ofrua gjithashtu president konsensual.
Por kreu i PD Basha ka këmbëngulur në një kryeministër teknik dhe votim elektronik. Më pas mund të merrte në konsideratë lëshimet e bëra nga maxhoranca.
Negociatat vijuan qe prej oreve te para te mengjesit dhe në to u angazhua edhe ambasadori i SHBA-se Donald Lu, Ambasadorja e BE-se Romana Vlahutin dhe ambasadori i OSBE-se Bernd Borchard.
Para takimeve të mbrëmjes në Pallatin e Kongreseve dy negociatoret paten takime te ndara, fillimisht me Ramën e Metën në kryesinë e Kuvendit më pas me Bashën në selinë PD.
