(E plotësuar) - Kryetari i Partisë Demokratike, Lulzim Basha duke folur të shtunën nga “Çadra e Lirisë”, deklaroi se partitë e pushtetit asgjësuan 18 qershorit, pasi afati i regjistrimit të kandidatëve ka skaduar më 28 prill.
Në fjalën e tij Basha, duke folur për zgjedhjen e presidentit, tha se pazari i republikës së vjetër u kurorëzua me zgjedhjen e presidentit.
“E dua demokracinë thotë presidenti, por pazari i zgjedhjes së presidentit nuk është demokraci e vërtetë, nuk përfaqëson as vullnetin e popullit as gjendjen kritike të përplasjes sociale, por thjeshtë kapitulli e fundit të pushtetit të vjetër. Ky është akti i fundit i teatrit me kukulla i pazarit politik, i modeli që mbajti në këmbë republikën e vjetër dhe duke mbyllur ekzistencën e saj në mënyrë të turpshme”, tha Basha.
Për më tepër, kreu i PD-së se rruga e vetme për të mirën e qytetarëve janë zgjedhjet e lira dhe largimi i qeverisë së Edi Ramës.
“Sot vetë procesi elektoral ka kolapsuar edhe kuptimin e vetë fjalës, pasi mbrëmë ka skaduar dhe afati i regjistrimit të kandidatëve për deputet. Deri tani asnjë nga këta parti nuk ka dorëzuar listat e kandidatëve dhe në këtë akt është asgjësuar 18 qershori, si një datë ligjore për zgjedhjet”, u shpreh ai.
Basha flet për herë të parë për zgjedhjen e Ilir Metës President!
Kreu i partisë Demokratike Lulzim Basha komentoi për herë të parë këtë të shtunë, zgjedhjen e Ilir Metës President, vetëm me votat e mazhorancës.
Nga çadra e protestës, lideri i opozitës e quajti zgjedhjen e kreut të ri të shtetit një pazar politik të mazhorancës të vendosur që në darkën mes kryeministrit Rama, kryeparlamentarit Meta, Petrit Vasilit dhe kryebashkiakut Veliaj në zonën e “Pazarit të ri”.
Presidenti i sapozgjedhur me 87 vota pro, Ilir Meta tha se është i gatshëm të takojë nga nesër kreun e PD-së për të gjetur zgjidhje për krizën dhe për të gjetur rrugët e bashkëpunimit, por Basha foli me tone të ashpra duke kërkuar rrëzimin e “republikës së vjetër”, siç quan ai qeverinë aktuale.
"E dua demokracinë thotë presidenti i sapozgjedhur dhe ja po e shikojmë demokracinë or kjo nuk është demokraci e vërtetë. Pazari me shishet e verës që kushtojnë më shumë se një pension nuk është demokraci e vërtetë, nuk përfaqëson vullnetin e popullit dhe as gjendjen e krizës politike në vend”, tha Basha.
Sipas kreut të PS, zgjedhje e presidentit është kapitulli i fundit i pazarit politik të “republikës së vjetër”.
“Akti i fundit i teatrit me kukulla. Republika e vjetër po mbyll turpshëm ekzistencën e saj. Edi Rama ta gëzosh ti atë dhe peshkun e qelbur nga koka”, përfundoi Basha, duke theksuar gjatë fjalës së tij se opozita do vijojë të protestojë për të kërkuar qeveri teknike dhe zgjedhje të lira.
