Kuvendi i është përgjigjur kërkesës së kreut të qeverisë, Edi Rama, për sa i përket një mbledhjeje të jashtëzakonshme.
Mbledhja do të zhvillohet ditën e sotme në orën 18:00 dhe gjatë saj do të votohen ministrat teknikë, komisionet Ad Hoc të Vettingut, si dhe zgjedhja e kryetarit të ri të Komisionit Qendror të Zgjedhjeve.
Fillimisht pritet që pasditen e sotme të votohet për dekretet e Presidentit për lirimin dhe emërimin e zv/kryeministrit dhe 6 ministrave teknik.
Ndërkohë më pas do të vazhdohet me votimin e paketës ligjore për sa i përket reformës zgjedhore si dhe anëtarët e opozitës dhe zëvendësit e tyre në komisionet “Ad Hoc”.
Emrat e 6 ministrave, zv.kryeministrit dhe Avokatit të Popullit:
Erinda Ballanca, avokate e Popullit.
Dritan Demiraj, ministër i Brendshëm.
Ledina Mandia, zëvendëskryeministre teknike.
Gazmend Bardhi, ministër i Drejtësisë.
Arben Beqiri, ministër i Shëndetësisë.
Xhuljeta Kërtusha, ministre e Mirëqenies Sociale.
Helda Vukaj, ministre e Financave.
Klemend Zguri, kryetar i KQZ.
Mirela Karabino, ministre e Arsimit dhe e Sportit
Rendi i ditës
Bazuar në urdhrin nr. 42, datë 21.5.2017 të Kryetarit të Kuvendit z. Ilir Meta, rendi i ditës të seancës plenare është si më poshtë vijon:
Hapja e Sesionit të Jashtëzakonshëm të Legjislaturës së VIII –të të Kuvendit të Shqipërisë.
Votimi i Dekreteve të Presidentit të Republikës për lirim dhe emërim të:
– Zëvendëskryeministrit
– ministrit të Punëve të Brendshme
– ministrit të Arsimit dhe Sportit
– ministrit të Shëndetësisë
– ministrit të Mirëqenies Sociale dhe Rinisë
– ministrit të Financave
– ministrit të Drejtësisë
(Kushtetuta, neni 98, votim me shumicë absolute)
Projektvendim “Për një ndryshim të vendimit nr. 12/2017 “Për zgjatjen e afatit të veprimtarisë së Komisionit të Posaçëm të Reformës Zgjedhore”(Rregullorja, nenet 55, 73-77votim me shumicë të thjeshtë)
Shqyrtimi dhe miratimi i paketës ligjore propozuar nga Komisioni i Posaçëm i Reformës Zgjedhore
Projektvendim “Për caktimin e përfaqësuesve të pakicës parlamentare në komisionet Ad Hoc:(Rregullorja, nenet 55, 73-77 votim me shumicë të thjeshtë)
– “Për verifikimin e kandidatëve në institucionet e rivlerësimit, sipas vendimit nr. 41/2017 të Kuvendit të Shqipërisë me 6 anëtarë”
– “Për përzgjedhjen e kandidatëve në institucionet e rivlerësimit, sipas vendimit nr. 45/2017 të Kuvendit të Shqipërisë me 12 anëtarë”
– “Për përzgjedhjen e kandidatëve në institucionet e rivlerësimit, sipas vendimit nr. 46/2017 të Kuvendit të Shqipërisë me 6 anëtarë”
– “Për caktimin e dy anëtarëve zëvendësues të opozitës në Komisionin Ad Hoc për verifikimin e kandidatëve për Institucionet e Rivlerësimit”
Projektvendime “Për lirimin nga detyra të një anëtari të KQZ-së” dhe “Për emërimin e një anëtari të KQZ-së”(Rregullorja, nenet 55, 73-77 votim me shumicë të thjeshtë)
Projektvendime “Për lirimin nga detyra të Kryetarit të KQZ-së” dhe “Për emërimin e Kryetarit të KQZ-së(Rregullorja, nenet 55, 73-77 votim me shumicë të thjeshtë)
