Kryetari i Kuvendit të Shqipërisë, Ilir Meta, i ka dërguar në letër Kryetarit të Dhomës së Deputetëve në Londër, John Bercow.
“Me hidhërim dhe keqardhje të thellë mësova lajmin tronditës për sulmin e tmerrshëm në Manchester ku shumë të rinj humbën jetën në moshën e tyre më të bukur. Sulmi në Manchester është një krim barbar i cili nuk është tragjedi vetëm për vendin tuaj por për gjithë botën e qytetëruar”, shkruan Meta në letrën e tij duke shtuar se përcjell ndjenjat e miqësisë së sinqertë të plotë.
Letra e plotë:
I nderuar zoti Kryetar,
Me hidhërim dhe keqardhje të thellë mësova lajmin tronditës për sulmin e tmerrshëm në Manchester ku shumë të rinj humbën jetën në moshën e tyre më të bukur. Sulmi në Manchester është një krim barbar i cili nuk është tragjedi vetëm për vendin tuaj por për gjithë botën e qytetëruar.
Në emër të të gjithë deputetëve të Kuvendit të Shqipërisë dhe timin personal më lejoni t’ju shpreh ngushëllimet më të sinqerta Ju dhe të gjithë familjarëve që humbën njerëzit e tyre më të shtrenjtë e t’Ju siguroj se Shqipëria dhe shqiptarët qendrojnë pranë popullit tuaj në këtë çast të vështirë dhe përkrah gjithë botës së civilizuar në luftën kundër terrorizmit ndërkombëtar.
Më lejoni mik i shtrenjtë të bashkoj lutjet e mia të sinqerta për viktimat e pafajshme që shpirtrat e tyre të prehen në paqe dhe t’u uroj shërim të shpejtë të gjithë të lënduarve.
Duke Ju përcjellë ndjenjat e miqësisë së sinqertë dhe solidaritetit të plotë.
Sinqerisht
Ilir META
Sh. T. Z. John BERCOW
Kryetar i Dhomës së Deputetëve
LONDON