Partia Demokratike është në hall në qytetin e Elbasanit pasi krerët demokratë të degëve të këtij qarku, kanë rrefuzuar të bëjnë fushatë elektorale.
Lajmin e bën të ditur vetë njëra nga deputetet e PD-së, Arbiola Halimi, e cila gjithashtu është dhe njëra nga politikanet që është larguar nga listat e përpiluara nga Lulzim Basha.
Halimi shkruan se sapo është njoftuar se krerët e degëve të qarkut të Elbasanit kanë refuzuar nisjen e fushatës. Deputetja i bën thirrje atyre që të bashkëpunojnë dhe të mos tërhiqen nga lufta për të sjellë PD-në në pushtet.
“Sapo mora vesh se kryetaret e degeve ne Qarkun e Elbasanit kane refuzuar te bejne fushate. U bej thirrje te gjitheve qe te bashkepunojne per fitoren e Partise Demokratike dhe te mos terhiqen. Ju jeni qendrestaret. Une gjithashtu jam me ju dhe do te jem ne fushate. Perpara me PDSH. Rrofte Shqiperia’ shkruan Halimi.
