Në rubrikën e vet “Amarcord” kryeministri Rama bën një urim për muajin e Ramazanit, ndërsa kujton edhe një mysliman të shquar si Haxhi Hafiz Sabri Koçi.
Rama flet për dialog ndërfetar duke publikuar një foto të Koçit me Nënë Terezën
AMARCORD
Muaji i shenjtë i Ramazanit që sivjet zuri fill në maj, përkon me muajin e lindjes së një prej prijësve më emblematikë të islamit shqiptar me origjinë nga Librazhdi, Haxhi Hafiz Sabri Koçi.
Emancipues i myslimanëve në Shqipëri qysh në kohën e diktaturës, ai nuk do të jetë vetëm një nga rimëkëmbësit kryesorë të kultit islam prej 1990 e tutje, por edhe mishërim i dialogut ndërfetar dhe mbarëkombëtar, siç e dëshmon edhe kjo foto e vyer së bashku me Shën Terezën e Kalkutës, Nënë Terezën e Shqiptarëve.
