Ai njihet për një nga dëshmitë kryesore në vrasjen e ish-deputetit demokrat Azem Hajdari.
Por Petrit Çakrri, tani do të përballet sërish me drejtësinë, pas disa preçedentëve të mëparshëm, që nga vjedhjet e deri tek përplasjet me armë me policinë.
Tani ai akuzohet për mashtrim me pasoja të rënda.
Ne Gjykaten e Tiranes, ka nisur shqyrtimi i dosjes, ku Çakrri akuzohet se i ka marrë një biznesmeni nga Vora shumën e 44 milionë lekëve të vjetra.
Ka qenë biznesmeni i mashtruar i cili ka kallezuar Çakrrin, duke treguar edhe se si e kishte futur ne kurth ky i fundit.
Mesohet se Çakrri i ishte prezantuar si biznesmen gjithashtu dhe i kishte premtuar qytetarit nga Vora se do t’i siguronte mallra me çmime më të lira se tregu dhe për këtë i duheshin 4.4 milionë lekë të reja.
Por që nga momenti qe dha parate, biznesmenti humbi kontaktet me Petrit Çakrrin.
Ky i fundit, rrezikon dënim me mbi 7 vite burg, ne baze te vepres penale regjistruar nga prokuroria.