Policia e Fushë Krujës ka dhënë detaje për dhunën e ushtruar mbi koordinatorin e LSI në këtë qytet. Forcat blu kanë thënë se pre e dhunës ka rënë shtetasi Blerim Çela, 40 vjeç, i cili rezulton se është edhe drejtor i shkollës 9-vjeçare pikërisht në Fushë Krujë.
“Në datë 18.06.2017, rreth orës 18:00, persona ende të paidentifikuar kanë goditur me sende të forta shtetasin B.Ç. rreth 40 vjeç, banues në Fushë- Krujë, Drejtor i Shkollës 9-vjeçare në Fushë Krujë. Shtetasi B.Ç. ka qenë duke u futur në një lokal, Bar- Kafe në Fushë Krujë kur është konfliktuar dhe goditur nga disa persona. Shtetasi i mësipërm ndodhet në Spitalin Ushtarak Tiranë jashtë rrezikut për jetën ku po merr ndihmë mjekësore. Me të marrë njoftim menjëherë është ngritur grupi hetimor, të cilët po punojnë për identifikimin e autorëve dhe sqarimin e rrethanave të ngjarjes”, thuhet në njoftimin policor.
Prokuroria është duke u marrë me ngjarjen, për ta zbardhur atë në mënyrë të saktë.
