Dega e Partisë Socialiste në Kolonjë ka reaguar për incidentin në Ersekë.
Përmes një deklarate, PS thotë se shpreh keqardhjen për politizimin e ngjarjes, pasi sipas saj konflikti fizik mes shefes së personelit dhe asaj të financës ka ndodhur terësisht për arsye personale.
PS e Kolonjës apelon të dëshpëruarit që nxisin dhunën dhe vetë-viktimizohen të ruajnë qetësinë.
Policia raportoi sot se Shefja e financës në poliklinikën e Ersekës, anëtare e LSI është dhunuar nga shefja e personelit.
Sipas bluve, Dorina Tallo 32 vjeç e ka kërcënuar shefen e financës Kristina Stoja me largim nga puna nëse ajo nuk votonte Partisë Socialiste.
Policia thotë gjithashtu se e ka dhunuar fizikisht duke i shkaktuar shenja në fytyrë dhe i ka thyer syzet optike.
Për këtë ngjarje ka nisur procedimi penal në gjendje të lirë shefja e Burimeve Njerëzore pranë Drejtorisë së Shëndetit Publik në Ersekë.