Nëse ka diçka që i bën njerëzit të tjetërsohen janë partitë politike dhe tifozllëku për to.
Një ngjarje e paprecedent është shënuar dje në Elbasan teksa militantë të Partisë Demokratike kanë përdorur një qen të ngordhur për të bërë fushatë.
Qeni i ngordhur ishte në mes të bulevardit dhe në vend që dikush ta hiqte nga aty, militantët e partisë kanë shkruar rreth tij emrin e kryeministrit aktual “Edi Rama”.
Ndërkohë që qeveritë njëra pas tjetrës nuk bëjnë asgjë për kafshët e rrugëve, përveçse i vrasin masivisht herë pas here, tashmë vjen radha që edhe militantët e thjeshtë të tregojnë “dashurinë” e tyre për kafshët, aq më tepër kur janë të ngordhura.
