Një raport voluminoz i Kontrollit të Lartë të Shtetit ka zbuluar një sërë shkeljes në procedurat e legalizimit të objekteve në Tiranë, ku shumë banesa janë në fazën e legalizimit pavarësisht se janë të ndërtuara në rrugë, trotuare dhe vende të ndryshme publike.
Bëhet fjalë për 41 njolla të zeza në zonën e Drejtorisë ALUIZNI 2 në Tiranë,ku në total janë 204 objekte. Ndërkohë sipas KLSH shumë objekte janë legalizuar ndërkohë pa u plotësuar me dokumentacionin e nevojshëm dosja e aplikuesit, duke përfshirë këto deklaratat noteriale të banorëve.
Nisur nga kjo situatë, gazeta “Shqiptarja.com” mëson se nga ana e audituesve të Kontrollit të Lartë është referuar në prokurorinë e Tiranës, një indicia për ndjekjen penalë për “Shpërdorim detyre” për përgjegjësin e sektorit të hartografisë Arben Sevdari, përgjegjësin e sektorit të Urbanistikës Edvin Konica dhe ish-drejtoreshën e ALUIZNI 2 në Tiranë, Anila Naumi.Çështja ndaj këtyre tre personave që prej muajit Maj ndodhet në prokurorinë e Tiranës.
Sipas KLSH këta tre zyrtarë kanë dëmtuar interesat e shtetit dhe favorizuar subjektet private.
Dëmi 323 milion lekë
Konkretisht nga auditimi i ushtruar në ALUIZNI Tirana nr. 2, në 1660 raste në kualifikimin e objekteve informale, ALUIZNI ka dërguar pranë Bashkisë Tiranë vetëm shkresën për llogaritjen e pagesën e taksës së ndikimit në infrastrukturë, pa marrë konfirmim mbi pagesën e Taksës së Ndikimit në Infrastrukturë për dalje me vendim kualifikimi duke krijuar një mungesë të ardhurash në buxhetin e shtetit në vlerën 32,385,690 lekë.KLSH rekomandon që drejtoria ALUIZNI-t Tirana 2, të plotësojë dokumentacionin tekniko-ligjor të objekteve me lejeve të legalizimit të lëshuara, t’i kërkojë Bashkisë Tiranë vërtetimin mbi llogaritjen e likuidimin e Taksës së Ndikimit në Infrastrukturë për 1660 rastet në vlerën prej 32.385.690 lekë.
Numri i legalizimeve
Për periudhën nga viti 2006 deri në 28 shkurt 2016, sipas pasqyrave të paraqitura dhe të digjitalizuar për objektet informale kërkesat për legalizim e shtesa anësore e në lartësi në objektet e ndërtuara para vitit 1993 dhe në objektet me leje ndërtimi (vetë deklarime) janë të dokumentuara 13739 kërkesa, nga e cila: për periudhën nga viti 2006 deri në 31 dhjetor 2012 janë të dokumentuara 7219 kërkesa. Nga auditimi u konstatua se 13739 kërkesat cituara më sipër të dhëna janë hedhur në harta vetëm si njolla dhe në azhurnimet nga Drejtoria ALUIZNI-t Tirana 2 nuk ka saktësime, se sa objekte ka një njollë ose sa procedues janë në të njëjtën njollë të ardhura nga njësitë e Qeverisjes Vendore.
Nisur nga të dhënat statistikore të vëna në disponim nga Drejtoria ALUIZNI-t Tirana 2, në total janë gjithsej 28164 objekte të vetë deklaruar duke marrë një mesatare 3 procedues në një njolle. Të ndara sipas viteve vetë deklarimet rezultojnë: për vitin 2013 gjithsej 21657 objekte të vetë deklaruar, për vitin 2014 gjithsej 1236 objekte të vetë deklaruar; për vitin 2015 janë 4491 objekte të vetë deklaruar; për vitin 2016 janë 780 objekte të vetë deklaruar. Nga auditimi u konstatua se vetë deklarimet e përsëritura në vite për të njëjtin objekt nuk janë të evidentuara pra si rrjedhoje edhe shifra e vetë deklarimeve nuk ka saktësi. Duhet theksuar se ndryshimet e shpeshta të akteve ligjore e nënligjore të procesit të legalizimit të objekteve informate e kanë lehtësuar ndjeshëm procesin e legalizimit, gjë e cila ka ndikuar dhe në rritjen e numrit të lejeve nga njëra periudhë në tjetrën, kur nga 4737 leje të dhënë për periudhën 7 vjeçare (2009-2016) janë lëshuar mesatarisht 677 leje legalizimi në vit, për periudhën 2014-2016 janë dhënë 1310 leje legalizimi në çdo vit.
Rastet e shklejeve
Dosja për Bardhyl Dervishin
Dosja për Zoi Toska
Dosja për Ylli Hysaj
Dosja për Frederik Seitin
Dosja për Petrit Bakiun
Dosja për Hiqmet Pampuri
Dosja për Fatbardh Hoxhën
