Komisioni i Qendrës së Votimit Nr.2704 të KZAZ Nr.52 në Librazhd, i vendosur tek shtëpia e Kulturës kati i parë, ka kërkuar ndihmën e policisë për ndërhyrje.
Pas kësaj punonjësit e policisë kanë shkuar në qendrën e votimit Nr.2704 me vendim të komisionit.
Shërbimet e Policisë pasi kanë marrë kontakt me Kryetarin dhe Sekretarin e Komisionit të Qendrës së votimit dhe pasi kanë marrë vendimin për ndërhyrje, punonjësit e policisë janë futur në qendrën e votimit dhe janë informuar se kishte patur probleme me procedurën e votimit me V.F, 41 vjeçe banuese në Librazhd, e cila mbante telefonin në dorë në kohën që po futej tek dhoma e fshehtë.
Në prezencë të punonjësve të policisë dhe të Komisionit mësohet se janë bërë sqarimet e nevojshme me qytetaren e lartpërmendur, e cila më pas votoi sipas rregullave dhe pa probleme. Komisioni nuk pati probleme dhe kërkesa të tjera.
Procesi i votimit në këtë qendër nuk u ndërpre. Me vendim të Komisionit të Qendrës së Votimit Nr.2704, shërbimet e policisë, u larguan nga qendra e votimit. Votimi vazhdon normalisht dhe pa probleme.
