Ish-Kryeministri Sali Berisha ka hedhur votën e tij sot në Tiranë në orën 9:40 minuta tek qendra e votimit në Liceun Artistik në Tiranë. Ai ka bërë të ditur se qytetarëve në mënyrë masive po i bëhet presion nga PS-ja për t’u blerë votat dhe i ka bërë thirrje atyre të denoncojnë çdo rast.
"Ka pasur raste masive të partisë siciliste, - tha Berisha, - për blerje të votave dhe kam informacione të fundit se po ndodh në Bradashesh, Gostimë, Durrës dhe një sërë vendesh të tjera.
I bëj thirrje qytetarëve t'i denoncojnë, fotografojnë, filmojnë në mënyrë që të përballen me fuqinë e ligjit, këta tregtarë të pistë të vullneteve të njerëzve."
