Nënkryetari i Lëvizjes Socialiste për Integrim Luan Rama ka reaguar në profilin e tij në rrjetin social disa minuta pas përfundimit të orarit zyrtar të votimit në Shqipëri.
Luan Rama shkruan se asnjë sondazh nuk mund ta tjetërsojë votën e qytetarëve shqiptarë. Më tutje numri dy i LSI-së thekson se tashmë e gjithë vëmendja do të jetë tek procesi i numërimit të votave, për të mbrojtur çdonjërën prej tyre.
Statusi i Luan Ramës:
Nuk ka sondazh që të mund të tjetërsojë votën e qytetarëve! Komisionerët, vëzhguesit dhe të gjitha grupet tona të vëzhgimit mendjen vetëm tek procesi, për të mbrojtur çdo votë!
