Deputeti socialist Taulant Balla pas përfundimit të procesit të numërimit të votave, në Qarkun e Elbasanit, për zgjedhjet parlamentare 2017, që u mbajtën më 25 qershor, vlerësoi procesin dhe falenderoi qytetarët e Elbasanit për besimin, duke thënë se tani ka përgjegjësinë për punë dhe mirëqenie.
“E rëndësishme është që ne do ta lexojmë mirë këtë besim që na dha Elbasani. Jam i sigurt se gjithçka që kemi nisur do ta bëjmë me përgjegjësi të lartë. Nuk e shohim si një fitore elektorale por si marrje e përgjegjësisë. Siç ju kemi thënë ne nuk heqim dorë për punë, mirëqenie dhe për një shtet që ti shërbejë të gjithëve”, tha Balla.
Procesi i votimi, deklaroi ai, ishte i vështirë këtu në Elbasan, por dua ta them që gjithçka shkoi brenda standardeve dhe çdo parti politike duhet të pranojë rezultatin. ” Ajo forcë e parë nga shkoi?” tha Balla, në prononcimin për mediat.