Ka përfunduar sot në Krimet e Rënda seanca gjyqësore në ngarkim të grupit të kokainës “Xibraka”. Gjykata ka vendosur 10 vjet burg për nipin e Enver Hoxhës, Ermal Hoxha.
Të pandehurit kanë kërkuar gjykim të shkurtuar, kërkesë e cila është refuzuar nga gjykata. Ndërkaq, Prokuroria kishte kërkuar 126 vite burg për 9 të arrestuarit e këtij grupi.
Dënimet e trupit gjykues për 9 të pandehurit:
10 vite burg për Ermal Hoxhën
12 vite burg për Ilir Hysenin
10 vite burg për Arjan Dalipin
13 vite burg për Genci Xhixhën
11 vite burg për Gentin Gjonajn
12 vite burg për kolumbianët Cesar Avila dhe Valter Moreno
11 vite burg për Klemend Dalipin
13 vite burg për Sajmir Batkun
9 shtetasit, mes të cilëve edhe dy kolumbianë, ranë në gjurmët e policisë në janar të vitit 2015. Pas sinjalizimit prej autoriteteve gjermane, policia shqiptare ndërmori një operacion masiv që çoi në gjetjen e laboratorit të fshehur në një ish-magazinë ushtarake.
Nga të dhënat rezulton se droga mbërrinte në Shqipëri nga vendet e Amerikës Latine e përzier me vaj palme dhe, në laboratorin e drogës në Labinot, bëhej ndarja e saj. Më pas droga kishte si destinacion vendet e Europës.
