(E plotësuar) - Ka përfunduar orari zyrtar (19:00) i procesit zyrtar të votimit në zgjedhjet për kryetar të Partisë Demokratike.
Në shumë qendra, përfshirë sellinë kryesorë të PD në Tiranë,votimet janë mbyllur. Por mësohet se ka qendra votimit që do të jenë të hapura edhe për disa minuta, për tu ofruar mundësinë e votimit, anëtarëve që nuk kanë votuar deri më tani.
Zgjedhjet në PD, ja sa demokratë kanë votuar deri në orën 16:30
Komisioni i operacioneve elektorale në Partinë Demokratike ka dhënë shifra lidhur me numrin e votuesve deri në orën 16:30, në 12 qarqet e Shqipërisë:
Shkodër, votuan 3478 votues, nga 8777 anëtarë
Lezhë, votuan 2250 votues, nga 5820 anëtarë
Kukës, votuan 1400 votues, nga 5105 anëtarë
Dibër, votuan 2220 votues, nga 5570 anëtarë
Durrës, votuan 2090 votues, nga 7966 anëtarë
Tiranë, votuan 13251 votues, nga 30314 anëtarë
Elbasan, votuan 3378 votues, nga 6985 anëtarë
Korçë, votuan 4405 votues, nga 8140 anëtarë
Berat, votuan 1296 votues, nga 4877 anëtarë
Fier, votuan 3913 votues, nga 11718 anëtarë
Vlorë, votuan 1607 votues, nga 5093 anëtarë
Gjirokastër, votuan 1757 votues, nga 3587 anëtarë
Në total, në të 12 qarqet e vendit, deri në orën 16.30, kanë votuar, 41.049 anëtarë, nga 103.952 anëtarë.
PD publikon të dhënat/ Ja sa demokratë kanë votuar deri në orën 12:00
Komisioni i operacioneve elektorale në Partinë Demokratike jep të dhënat e para nga procesi i votimit për kryetarin e ri.
Deri në orën 12.00 në 12 qarqe ka pasur një numër të ulët votuesish, që nuk dihet nëse vjen për shkak të angazhimeve në punë të qytetarëve apo janë dëgjuar thirrjet për bojkot.
Sipas llogaritjes në përqindje i bie rreth 21.6 %.
Shkodër, votuan 1513 votues, nga 8777 anëtarë
Lezhë, votuan 590 votues, nga 5820 anëtarë
Kukës, votuan 1130 votues, nga 5105 anëtarë
Dibër, votuan 1195 votues, nga 5570 anëtarë
Durrës, votuan 1272 votues, nga 7966 anëtarë
Tiranë, votuan 7602 votues, nga 30314 anëtarë
Elbasan, votuan 2387 votues, nga 6985 anëtarë
Korçë, votuan 2024 votues, nga 8140 anëtarë
Berat, votuan 700 votues, nga 4877 anëtarë
Fier, votuan 2050 votues, nga 11718 anëtarë
Vlorë, votuan 963 votues, nga 5093 anëtarë
Gjirokastër, votuan 742 votues, nga 3587 anëtarë
Në total, në të 12 qarqet e vendit, deri në orën 12.00, kanë votuar , 22.568 anëtarë, nga 103.952 anëtarë.
Zgjedhjet për kryetar/ Basha: PD, më e fortë pas këtij procesi
Në orën 11:00, qendrës së votimit të vendosur në Selinë Blu, iu drejtua Lulzim Basha, kandidat për kryetar në zgjedhjet që po mbahen këtë të shtunë për kreun e PD.
Ai e cilësoi të qetë dhe demokratik procesin e votimit dhe tha se demokratët do të dalim më të bashkuar pas përfundimit të tij.
“Procesi po ecën në mënyrë të qetë jam i bindur se Partia Demokratike do të dalë më të fortë nga ky proces dhe më e bashkuar”, u shpreh Basha, i cili kërkon një mandat të dytë 4 vjeçar në krye të kësaj force politike.
Një anëtar një votë/ Nis votimi për kreun e ri të PD-së, ja ku votohet
Kryetari i “ngrirë” i Partisë Demokratike, Lulzim Basha që kërkon një tjetër mandat katër vjeçar në krye të PD-së pritet të votojë një orë pas rivalit të tij, Eduard Selami.
Basha do të votojë në selinë e Partisë Demokratike në orën 11:00, një orë pasi të ketë votuar Selami. Ndërsa ky i fundit është parë që mëngjesin e sotëm në seli, teksa ndiqte nga afër procesin e votimit, Basha pritet të mbërrijë në seli para se të hedhë votën e tij.
Selami ka bërë sot një postim në nisje të votimit, ndërsa Basha nuk ka ende një reagim për këtë garë, që siç njofton komisioni i operacioneve elektorale ka nisur në mënyrë të rregullt në të 73 komisionet e 68 degëve të Partisë Demokratike.
Pjesë e procesit të votimit, pritet të mos jetë grupi i kritikëve të Bashës. Ata e kanë mbajtur dje qëndrimin e tyre, kur deklaruan se nuk do të jenë pjesë e këtij procesi që e konsiderojnë një farsë.
***
Sot demokratët do të votojnë për të zgjedhur kreun e ri të partisë së tyre, ndërsa në garë marrin pjesë Lulzim Basha dhe Eduard Selami.
Procesi i votimit ka nisur në orën 08:00 te mengjesit dhe ne te marrin pjese 103 mije anetare të PD-së.Numri i saktë i anëtarësisë së PD-së u nxor pas riorganizimit të listave.
Lulzim Basha dhe Eduard Selami janë dy kandidatët e vetëm në garë. Përmes një shorti të hedhur në Komisionin e Organizimit Zgjedhor në PD, është përcaktuar edhe renditja në fletën e votimit, ku kryetari aktual, Basha, do të jetë i pari dhe sfiduesi i tij, Selami, do të ketë numrin 2.
Lulzim Basha kërkon një mandat të dytë në krye të Partisë Demokratike dhe gjatë gjithë fushatës ka premtuar se do t’i bashkojë demokratët që të arrijë ta sjellë PD në pushtet.
Edhe Eduard Selami kërkon një mandat të dytë si kryetar, por ndryshe nga Basha, mandatin e parë dhe të vetëm si kryetar, Selami e ka pasur në vitet ’92-’95. Pas 16 ditësh fushatë intensive, dy kandidatët përmbyllën turin në 68 degë të PD në të gjithë vendin, ku në 4 raste zhvilluan edhe takime publike mes njëri-tjetrit.
Gjatë gjithë ditës së premte, anëtarët e komisioneve të votimit, në 73 komisione të ngritura në të gjithë vendin, janë pajisur me bazën materiale dhe pasditen e djeshme është konfirmuar se është gjithçka gati për zhvillimin e zgjedhjeve në PD. Do të jenë 103.952 anëtarë të PD me të drejtë vote në të gjithë vendin, që do të zgjedhin kryetarin e ri të PD-së për katër vitet e ardhshme
***
Selia blu bëri dje me dije se të gjithë anëtaret e Partisë Demokratike janë të ftuar të marrin pjesë e të shprehin verdiktin e tyre se kush duhet ta drejtojë Partinë Demokratike në 4 vitet në vijim.
“Të gjithë anëtaret e Partisë Demokratike janë të ftuar të marrin pjesë e të shprehin verdiktin e tyre se kush duhet ta drejtojë Partinë Demokratike në 4 vitet në vijim. Votimi hapet ne orën 8 te mëngjesit dhe mbyllet në orën 19.00. Zgjedhja e kryetarit të PD është me parimin një anëtar një vote, dhe mbahet pas një fushate intensive qe kane kryer kandidatet Lulzim Basha dhe Eduard Selami, ne çdo dege të PD në gjithë vendin. Votimi nesër do të zhvillohet ne 68 qendra votimi në të gjitha degët e PD sipas listës më poshtë. Ftojmë të gjithë anëtaret e Partisë Demokratike të marrin pjesë në zgjedhjet e nesërme!
Belsh Ambient Privat Bardhul Tafani
Berat Selia e Degës
Bulqizë Selia e PD Bulqizë
Cërrik Ish-Zyra Elektorale, lokali i Sami Shtylla
Delvinë Hasan Alizoti
Devoll Qendra Kulturore e Fëmijëve Bilisht
Dibër Pallati Kulturës
Durrës Pallati i Kulturës
Elbasan Teatri “Skampa”
Fier Holli i Kinoteatrit Fier
Fushë Krujë Selia e Degës
Gjirokastër Kinoteatri “Zihni Sako”
Gramsh Selia e Degës
Has Selia e Degës
Himarë Pranë shkollës 9-vjeçare Himarë
Kamëz Pallati i Kulturës
Kavajë Qendra Kulturore ” Aleksandër Moisiu”
Këlcyrë Lokal Elton Ademi
Kolonjë Selia e Degës
Korçë Selia e Degës
Krujë Selia e Degës
Kuçovë Selia e Degës
Kukës Pallati Kulturës “Hasan Prishtina”
Kurbin Pallati Kulturës Laç
Lezhë Pallati i Kulturës
Librazhd Selia e Degës
Lushnje Selia e Degës
Malësi e Madhe Selia e Degës
Maliq Selia e Degës
Mallakastër Pallati Kulturës, Ballsh
Mat Selia e Degës
Memaliaj Selia e Degës
Mirditë Pallati Kulturës
Paskuqan Selia e Degës
Patos Pallati i Kulturës
Peqin Selia e Degës
Përmet Qendra Multikulturore (Shtëpia e Kulturës)
Pogradec Pallati i Kulturës
Poliçan Zyra elektorale, Bulevardi Kryesor
Prrenjas Selia e Degës
Pukë Selia e Degës
Roskovec Selia e Degës
Rrogozhinë Kinemaja
Sarandë Selia e Degës
Selenicë Fshati Peshkpi, Ambient Privat Daver Kuci
Shijak Pallati i Kulturës
Shkodër Selia e Degës
Skrapar Selia e Degës
Tepelenë Selia e Degës
Tirana 1 Selia e Degës
Tirana 10 Selia e Degës
Tirana 11 Selia e Degës
Tirana 12 Selia e Degës
Tirana 13 Selia e Degës
Tirana 14 Ambient privat në Tufinë
Tirana 2 Selia Qendrore e PDSH-së
Tirana 3 Selia e Degës
Tirana 4 Selia e Degës
Tirana 5 Zyra elektorale, pll Fratari, rr. Ismail Qemali
Tirana 6 Selia e Degës
Tirana 7 Selia e Degës
Tirana 8 Selia e Degës
Tirana 9 Selia e Degës
Tropojë Muzeu Historik
Ura Vajgurore Selia e Degës
Vau Dejës Lokali “Armando”, Stajkë, Nj.A Bushat
Vlorë Pallati Labëria
Vorë Ish-Zyra Elektorale, Rr. Rinia Qendër Vorë
Grupi anti-Basha në miting, reagon PD: Gjithçka gati për zgjedhjet që do mbahen nesër
Më anë të një njoftimi për media Partia Demokratike ka bërë të ditur se ka përfunduar “procesi i shpërndarjes dhe marrjes në dorëzim të materialeve zgjedhore në 73 komisionet e ngritura në gjithë vendin, për zgjedhjen e kryetarit të Partisë Demokratike të Shqipërisë”.
Njoftimi i plotë:
Komisioni i Operacioneve Elektorale në Partinë Demokratike njofton se ka përfunduar procesi i shpërndarjes dhe marrjes në dorëzim të materialeve zgjedhore në 73 komisionet e ngritura në gjithë vendin, për zgjedhjen e kryetarit të Partisë Demokratike të Shqipërisë. Materialet zgjedhore janë marrë në dorëzim nga përfaqesuesit e kandidatëve dhe drejtuesve të komisioneve. Gjithçka është gati për procesin e votimit që nis nesër në orën 8 dhe mbyllet në orën 19.00.
