Përmes një postimi në rrjetin social “Facebook”, ministri i Punëve të Brendshme Dritan Demiraj u ka bërë apel qytetarëve në të gjithë vendin për të ndihmuar në kontrollin e zjarreve.
“Të nderuar miq!
Zjarret në të gjithë Shqipërinë po shkatërrojnë shumë pyje dhe prona private. Ministria e Brendshme, emergjencat civile, shërbimet zjarrfikëse, forcat e armatosura, Viva Copter, pushteti lokal, etj. po punojnë me intensitet.
I bëj thirrje dhe banorëve që të kontribuojnë gjithashtu në lajmërimin, kontributin dhe vendosjen e zjarreve nën kontroll. Duhet që të gjithë së bashku të punojmë të shmangim dëmet njerëzore dhe materiale”, shkruan Demiraj.