Megjithëse u tha se LSI ishte dakord për rritjen e çmimit të ujit të pijshëm, ku dy këshilltarë të kësaj force, të ashtuquajtur votuan pro, nënkryetari i LSI-së Luan Rama e mohon. Ai tha se vendimi i LSI-së është bërë i qartë para mbledhjes dhe se nuk i njeh ata individë.
“Qëllimi politik dhe institucional është qëndrimi që u shpreh nga Bixha. Agim Kraja nuk përfaqëson LSI-në sepse ai ka qenë dikur me monarkinë, është kthyer ka ikur. Ne zgjodhëm rrugën institucionale. Ofruam seriozitet dhe zgjidhje ligjore. Asgjë nuk ka ndryshuar në qëndrimin e LSI. Jemi koherentë në qëndrimin tonë. Kemi një konstante të pandryshueshme që është shërbimi ndaj qytetarëve. Individë të veçantë mund të luajnë. Genta Mezinin nuk e njoh fare kush është, nuk e njoh për këshilltare të LSI-së.
Koordinatorja e këshilltarëve të LSI-së, Erjona Bixha e bëri të qartë para se të fillonte mbledhja qëndrimin e këshilltarëve të LSI-së çdo lëvizje tjetër nuk ka të bëjë me qëndrimin e LSI-së”, deklaroi Rama.
