Kryetari i Partisë Demokratike Lulzim Basha, urdhëroi dje grupin e ri parlamentare që të jenë aktiv në takime dhe dëgjesa me qytetarët. Sekretari për aksionin qytetare, deputeti i zgjedhur, Ervin Salianji, sqaroi për Ora News porosinë e Bashës, ndërsa tha se ajo synon që grupi parlamentar të jetë afër qytetarve dhe përçojë problemet e tyre.
Salianji: Deputetët e grupit parlamentar të PD duhet të jenë gjatë gjithë kohës në terren për të paktën një herë në javë duhet të kenë takime me qytetarët, takime të axhenduara ku secili qytetar ta dije se ku e gjen deputetin e zonës së vet, ku mund ti shprehë hallet e komunitetit.
Porosia e Bashës, për deputetët nuk është thjesht një tur takimesh, por ngritja e nje sistemi dëgjesash periodike për katër vitet e ardhëshme.
Salianji: Është potencuar si porosi e veçantë apo si merak i kryetarit të partisë për të qenë gjatë gjithë kohës dhe për të qenë pranë qytetarëve. Kjo është gjatë gjithë 4-vjeçarit, nuk është një tur një mujor.
Porosia e Bashës konsiston në punën e përditshme që deputetët duhet të bëjnë, por Salianji sqaron se ky është një merak i vaçant i tij, për të bërë një opozitë të fortë afër qytetarëve.
Salianji: Të dy platformat e dy kandidatëve edhe zotit Selami, edhe zotit Basha që fitoi kanë premtuar një opozitë të fortë përballë qeverisë. Kjo u tha edhe dje që opozita duhet dhe do të jetë e foretë dhe secili deputet ka rolin e vet për ti dhënë rëndësinë e vet opozitarizmit edhe në parlament, por kryesisht me një qasje tjetër aty ky është problemi i qytetarit.
Ervin Saljani, thotë karahas betejës parlamentare, në shtator PD do të përfshihet dhe në një proces analize për humbjen e zgjedhjeve të 25 qershorit.
