Kryeministri i Shqipërisë, Edi Rama ka njoftuar se është në finalizim procesi për nisjen e punimeve dhe mirëmbajtjen e rrugës së Arbrit.
Po ashtu, Rama ka thënë se ofertat do të priten deri në dt 2 tetor 2017 dhe komisioni do të shpallë fituesin brenda 60 ditëve nga data e mbylljes së ofertës.
Postimi i plotë:
RRUGA E ARBËRIT ÇEL PROGRAMIN 1 MILIARDË PER RINDËRTIM
Drejt finalizimit një proçes i stërzgjatur në vite që do të kurorëzohet, siç është premtuar brenda vjeshtës me nisjen e punimeve.
Është çelur dje koncesioni për ndërtimin dhe mirëmbajtjen e rrugës së Arbrit, me një vlerë prej 33,6 mld lekë të reja. Ofertat do të priten deri në dt 2 tetor 2017 dhe komisioni do të shpallë fituesin brenda 60 ditëve nga data e mbylljes së ofertës.
Për kalimin me automjet në këtë aks, nuk do t’ju duhet të paguani asnjë tarifë.
