Mbrëmjen e një nate me parë, i gjithë vendi është përfshirë nga reshje shiu dhe stuhi që kanë vijuar deri në orët e para të së dielës.
Bëhet e ditur se në disa zona të vendit, përfshirë kryeqytetin ka pasur shkëputje të energjisë elektrike. Ndërkohë për shkak të motit të keq, zona e Divjakës nuk furnizohet me energji elektrike.
Siç do e shikoni nga fotot, dëmet gjatë natës kanë qenë të shumta. Era e fortë ka rrëzuar disa shtylla e pemë, duke shkaktuar dëmtime në rrjet.
Operatori i Shpërndarjes së Energjisë Elektrike deklaron se grupet e punës janë në terren për rikthimin sa më të shpejtë të energjisë elektrike.