Një ngjarje e rëndë ka ndodhur në zonën turistike të Ksamilit, ku për motive të dobëta, një punonjës i një lokali është rrahur barbarisht nga dy persona, vëllezërit e pronares së biznesit ku ai punonte.
Gjithçka ka nisur për shkak të një sherri që punonjësi 42 vjeçar Artur Murataj ka patur me pronaren e lokalit. Sherri është bërë për motive banale, por pavarësisht shkakut, dy vëllezërit e pronares me inicialet A.S kanë ardhur menjëherë në lokal dhe kanë rrahur me grushte e sende të forta 42 vjeçarin.
Dy vëllezërit Valter Lala 27 vjeçar dhe Elton Lala, 41 vjeçar kanë goditur me sende të forta në pjesë të ndryshme të trupit punonjësin e lokalit duke e bërë atë për spital.
Më pas dy vëllezërit janë larguar menjëherë, teksa policia ka nisur hetimet dhe i ka shpallur në kërkim.