Temperaturat e larta kanë bërë që një zjarr i përmasave të mëdha të përfshijë një sipërfaqe pyjore në Dibër, shumë pranë Parkut Kombëtar të Lurës.
Raportohet se zjarri masiv po i afrohet kurorës së Lurës, ndërsa kërkohet ndërhyrje nga ajri për shkak te terrenit të vështirë.
Ndërkohë vatra tjetër e zjarrit në Luçan, prej tre ditësh ka djegur 15 hektar pisha.
Në Bllacë janë djegur sipërfaqe me dru ahu. Forca policie vijojnë hetimet nëse zjarri është aksidental apo i qëllimshëm.