Policia e Lezhës në bashkëpunim me Prokurorinë e Rrethit Gjyqësor Kurbin, ka sekuestruar ditën e sotme pasuri me burime të dyshimta kriminale si vila, njësi tregtare dhe automjete
Mësohet se ditën e sotme është vendosur sekuestro për pasurinë e V. H., pasi ka dyshime se pasuria e tij është vendosur në mënyrë të paligjshme.
Gjykata e Shkallës së Parë Kurbin, ka vendosur masën e sigurimit pasuror “sekuestro preventive” mbi pasuritë dhe automjetet e mëposhtme:
a) 2 njësi tregtare ( ambiente biznesi bar kafe & parukeri)
b) 2 godina banimi ( 1 vilë 3 katëshe & 1 apartament 80 m2)
c) 1 sipërfaqe toke rreth 15 000 m2
d) 5 automjete luksoze ( me vlera monetare të konsiderueshme )
Vlera e pasurive të sekuestruara është rreth 670 000 Euro.
Ndaj tij, policia sqaron se ka dyshime nga partnerët, se është i përfshirë në aktivitet kriminal për shfrytëzim prostitucioni në Milano - Itali dhe për trafik të narkotikëve në Francë dhe Belgjikë.
Vijon puna për identifikimin dhe sekuestrimin e rasteve të tjera.
