Vasili: Edi Rama përbuzi shqiptarët nga Amerika - Bota Sot
Vasili: Edi Rama përbuzi shqiptarët nga Amerika

Shqipëria

E shtunë, 21 tetor 2017

Vasili: Edi Rama përbuzi shqiptarët nga Amerika

Më: 22 shtator 2017 Në ora: 20:13
Petrit Vasili

Deklaratat e Edi Ramës nga Nju Jorku dhe sidomos përbuzja dhe mospërfillja që ai u bëri më shumë se 400 banorëve të Tiranës, nuk janë sjellë vetëm reagime në rrjet, por edhe në politikë.

Kështu, kreu i grupit parlamentar të LSI-së, Petrit Vasili ka reaguar në lidhje me deklaratën e Ramës.

Ja çfarë shkruan Vasili në Facebook:

Kryeministri përbuz shqiptarët nga Amerika

Kryeministri Edi Rama ka folur për rastin e Shkozës gjatë një interviste në Zërin e Amerikës, këtë të premte.

“Shkoza s’përfaqëson asgjë dhe s’meriton besoj koment deri në Uashington dhe Nju Jork".

Këto tha ky kryeministër i egër me qytetarët dhe superficial e i paditur si në çdo gjë që bën e thotë.

Për Kryeministrin, që llomotit nga Uashingtoni, shqiptarët duken hiçgjë, të vegjël dhe të parëndësishëm, pasi ky e ndjen veten të rëndësishëm dhe është shumë i lumtur me vanitetin e tij social dhe politik, pasi gëzon i shkreti që ndodhet atje.

Reagimet demode të shkollëpakut, që vijnë erë kutërbuese provincializme, humnere idesh dhe gëzimi qesharak si ai i shqiptarëve kur dilnin jashtë shtetit para viteve 90', fjalët që thotë janë një komedi e zezë.

Ndaj, qytetarët janë të fundit për të, ndaj familjet e Shkozës që përballen sot me një hall e dhimbje të rëndë janë asgje përpara tij, ndaj dhe qëndrimi i tij është i egër e pa mëshirë edhe për femijët e Shkozës, që s'dinë se ku do të mësojnë dhe prindërit e tyre, që ndodhen përpara shkatërrimit pa kthim të djersës, gjakut dhe mundit shumëvjeçar.

Komentet
comments powered by Disqus
Sot mund të lexoni Shfletoni kopertinat
Sondazh
    test