Kryetari i PD-së, Lulzim Basha tha në Kuvend se një bandë kriminalësh ushtron dhunë ndaj policisë, ndërsa kjo e fundit tha ai nuk heton.
Në fjalën e tij, Basha akuzoi kryeministrin Rama si të lidhur me krimin dhe drogën. Duke iu referuar Agjencisë Kombëtare të Krimit të Britanisë së Madhe, Basha tha se bandat kriminale kontrollojnë trafikun e drogës në Britani.
“Një bandë kriminelësh ushtron dhunë të hapur ndaj policisë. Policia refuzon ti hetojë, pastaj policia mohon të ketë ndodhur dhunë. Pyetja që ngre është ku e gjen kurajon një grup banditësh të sulmojë policinë? Çfarë i bën policët që megjithëse u rrezikohet jeta nuk guxojnë të hetojnë banditët, por ulin kokën dhe heshtin?Përgjigjen e kësaj pyetje e dini të gjithë”.
“2 mijë km larg Elbasanit, në Londër Agjencia Kombëtare e Krimit të Britanisë së Madhe botoi raportin 2016 të vlerësimit strategjik të rrezikut të krimit në Britani. Një nga konkluzionet e raportit lexon grupet kriminale shqiptare kanë arritur një profil me ndikim të lartë brenda krimit të Mbretërisë së Bashkuar dhe kanë kontroll mbi gjithë tregut e trafikut të drogës në Mbretërinë e Bashkuar”, ka thënë Basha.
